Düyün (Joint) Yerdəyişmələrindən Model Xətası Tapma

Layihəni analizlədikdən sonra modeldə element birləşmələrində və ya sonlu element modelində xəta olub olmadığını və ya xətanı tapmaq üçün aşağıdakı kimi bir təlimat izlənə bilər.

1 — Analizin Yarı-sərt diafraqmalı aparılması model xətalarının daha asan tapılmasını təmin edə bilər.

2 — Analizden sonra modelləmə ekranında formun sağ alət çubuğundakı NVM düyməsinə basmaq sistemin 3 ölçülü sonlu element modelini ekrana gətirir.

3 — Eyni ekrana giriş ekranındakı 3D Ultimate Seçimi ilə daxil ola bilərsiniz.

Sonlu element görüntüləmə seçimləri formasında yerdəyişmə səhifəsində Yerdəyişmələri Göstər seçimini işarələyin. İstiqamət Ux Yükləmə Ex1 seçimləri işarələndikdə X istiqamətində elementlərin və düyün nöqtələrinin yerdəyişmələri görünəcəkdir.

Əgər digər elementlərə nisbətən həddindən artıq yerdəyişmə edən bir element varsa, digər elementlərlə (öz mərtəbəsindəki və ya alt və ya üst mərtəbədəki elementlərlə) birləşməsində problem ola bilər. Məsələn, element konsol çıxıntı edən bir divar isə, alt mərtəbəsindəki tir və ya döşəmə üzərinə oturdulmamış ola bilər. Həddindən artıq yerdəyişmə edən element bir tir isə, öz mərtəbəsindəki elementlə birləşməsi uyğun oxdan aparılmamış ola bilər.

4 — Həddindən artıq yerdəyişmə edən elementin hamısını görmək üçün göstərim miqyasını elementin ucları ekrana sığacaq şəkildə azaldın.

5 — Element adını görmək üçün Model səhifəsindəki çubuq element adlarını göstər seçimini işarələyin.

6 — Problematik elementin adını öyrəndikdən sonra ana ekranda Tap əmri ilə elementi tapıb seçin. Tapılan elementin öz mərtəbəsindəki, alt mərtəbə və üst mərtəbədəki digər elementlərlə birləşməsini araşdırın. Birləşmədə problem ola biləcəyini düşündüyünüz məsələləri düzəldin, yenidən analiz edib problemin həll olub-olmadığını yoxlayın.

7 — Y zəlzələ istiqamətindəki problemləri görmək üçün Yükləmə Ey1 Yerdəyişmə Uy, şaquli yüklər altındakı problemləri görmək üçün Yükləmə G Yerdəyişmə Uz seçilə bilər.